About Arndis

This author has not yet filled in any details.
So far has created 447 blog entries.

Guðþjónusta Kvennakirkjunnar í Hallgrímskirkju

Guðþjónusta Kvennakirkjunnar í Hallgrímskirkju verður sunnudagskvöldið 11. september klukkan 20. Haustmessa í kvöldkyrrð Hallgrímskirkju 
í trú okkar og vináttu.   Allar hjartanlega velkomnar og við hinar fögnum þér.
Höldum messuna saman eins og alltaf með predikun, bæn, söng,  kaffi og samtali.
Göngum inn bakdyramegin til hægri séð framan frá.  

By |7 september 2022 18:57|Fréttir|

Guðþjónusta 19. júní

Guðþjónusta Kvennakirkjunnar 19. jún klukkan 8 verður í Bríetartogi í Þingholtsstræti 9.
Aðalheiður og Anna Sigga sjá um sálmana og Auður Eir prédikar.
Á eftir drekkum við kaffi í stofum okkar í Þingholtsstræti 17.
Kirkjan kemur með kleinur og kökubita og við hellum upp á könnun
OG TÖLUM SAMAN

By |16 júní 2022 19:29|Fréttir|

Guðþjónusta í Garðakirkju

GUÐÞJÓNUSTAN OKKAR 15. MAÍ VERÐUR Í GARÐAKIRKJU Á ÁLFTANESI KLUKKAN 20

SÉRA HIDLUR BJÖRK HÖRPUDÓTTIR PREDIKAR

ANNA SIGRÍÐUR HELGADÓTTIR OG AÐALHEIÐUR ÞORSTEINSDÓTTIR HVETJA OKKUR TIL AÐ SYNGJA

ÞETTA VERÐUR DÁSAMLEGT OG VIÐ DREKKUM KAFFI Á EFTIR
ÞÆR SEM SJÁ SÉR FÆRT AÐ KOMA MEÐ KAFFIBRAUÐ FÁ ALÚÐARÞAKKIR

By |10 maí 2022 17:07|Fréttir|

Guðþjónusta í Háteigskirkju 10. apríl

Guðþjónusta Kvennakirkjunnar í apríl verður á Pálmasunnudag 10. apríl í Háteigskirkju klukkan 20. Séra Sigríður Munda Jónsdóttir prédikar. Aðaheiður Þorsteinsdóttir stjórnar söngnum og Anna Sigríður Helgaóttir syngur einsöng. Kaffisamsæti eftir guðþjónustuna og þær sem sjá sér fært að færa góðgerðir fá alúðar þakkir

By |7 apríl 2022 8:44|Fréttir|

Guðþjónusta í Hallgrímskirkju 13. mars kl. 20

Guðþjónusta Kvennakirkjunnar í mars verður í Hallgrímskirkju sunnudagskvöldið 13. mars kl. 20. Gangið inn bakatil um dyrnar nær Einarssafni og við tökum á móti ykkur við dyrnar. Séra Úrsúla Árnadóttir predikar. Aðalheiður Þorsteinsdóttir leiðir okkur í sálmasöng. Við predikum orðið, syngjum og biðjum, drekkum kaffi og tölum saman. Þær sem sjá sér fært að koma með kaffibrauð fá alúðarþakkir. 

By |10 mars 2022 21:35|Fréttir|

Afmælisguðþjónusta í Neskirkju

Kvennakirkjan heldur guðþjónust í Neskirkju við Hagatorg, sunnudagskvöldið 13. febrúar kl. 20. Þetta verður afmælismessa – við verðum 29 ára!
Við höldum messuna saman og syngjum með Öllu og kannski syngur Anna Sigga og við sjáum til hver prédikar fyrir okkur. Drekkum afmæliskaffi og tölum saman að guðþjónustunni lokinni.

By |8 febrúar 2022 20:19|Fréttir|

Um Markúsarguðspjall

Markúsaarguðspjall segir allra fyrst að Jesús sé frelsarinn sem var skrifað um í Gamla testamentinu.  Það var sjálf Biblía hebresku þjóðarinnar og kristið fólk fór að kalla það Gamla testamentið þegar Nýja testamentið var gefið út.  Jóhannes skírari undirbjó komu Jesú og segir að hún hafi verið undirbúin í Ritningunni sem þjóðin elskaði svo mikið.  Jesús kom og sagðist vera sá sem var skrifað um.  Hann kallaði fólk til að fylgja sér, líka konur eins og sést þótt það sé ekki skrifað nærri jafn mikið um þær og strákana.  En það var skrifað um þær sem var aldeilis ekki vaninn þá og það sýnir að þær voru fleiri en þær sem er sagt frá.  Segja kvennaguðfræðingarnir.  Jesús predikaði og læknaði.  Hann varð svo vinsæll að ef hann hefði bara stoppað og ekkert talað um að hann væri frelsarinn sem var búið að lofa hefði þetta ekki endað svona hörmulega.  En það hefði gleymst.  En hann sagðist vera Guð og þess vegna gæti hann fyrirgefið syndir og breytt lífi fólks.  Landsstjórunum fannst þetta óþolandi og skemmdarverk á trúnni.   Svo það stefndi strax að endalokunum eins og við lesum í guðspjallinu.  Hvað finnst þér?  Blíðar kveðjur.  Auður Eir

By |20 janúar 2022 16:11|Dagleg trú|

Biblían

Biblían er grundvallarrit kristinnar trúar.  Án Bibliunnar væri engin kristin trú og við vissum ekki af komu Jesú.  Við erum í hópi allra milljónanna sem treysta Biblíunni og elska hana, lesa hana og rannsaka.  Kvennakirkjur alls heimsins eru torg þar sem allar konur hennar eru kvaddar saman til að rannsaka Biblíuna.  Mikið eigum við gott að vera í hópnum.  Fólk heillaðist af kristinni trú af því að hún var öðruvísi en öll hin trúarbrögðin.  Hún var ekki um Guð í musteri eða styttum heldur um Guð sem elskar hverja einustu manneskju eins og hún er.  Hún er skapari allra og frelsari þeirra og er alltaf hjá þeim öllum í senn og hverri einustu.  Og þá hjá þér og mér.  Markús segir frá þessu öllu og mikið eigum við honum að þakka fyrir gullvönduð og áreiðanleg skrifin.  Ef hann og hinir hefðu ekki skrifað vissum við ekki að Jesús væri til.  Blíðar kveðjur,  Auður Eir

By |9 janúar 2022 18:21|Dagleg trú|

Hittumst á Mánudag 10. janúar

Nú HITTUMST Á MÁNUDAGINN, 10. JANÚAR

Góðu vinkonur.  Við ætlum að hittast, eins og við ákváðum og halda áfram að lesa Markúsarguðspjall.  Hittumst núna á mánudaginn kemur í stofum okkar í Þingholtsstræti 17, 10. janúar klukkan hálf fimm og verðum til klukkan sex – 16.30 til 18.  Fáum okkur kaffi og kökusneið og lesum 14. kaflann í Markúsarguðspjalli..  Hlökkum til og njótum lífsins.   Gleðilegt ár og takk fyrir síðasta ár og öll hin.  

By |7 janúar 2022 18:18|Fréttir|

Gleðileg Jól! Jólaguðþjónusta Kvennakirkjunnar fellur niður

Um leið og við óskum ykkur gleðilegra jóla og alls hins besta á helgum tímum tilkynnum við að vegna ástandins í samfélaginu fellur jólaguðþjónusta Kvennakirkjunnar niður. Sjáumst sæl á nýju ári.

By |25 desember 2021 11:34|Fréttir|