Næsta messa Kvennakirkjunnar verður í Seltjarnarneskirkju sunnudaginn 20. október klukkan 20. Séra Sigríður Kristín Helgadóttir prédikar, Aðalheiður Þorsteinsdóttir leikur á píanó og Anna Sigríður Helgadóttir syngur einsöng. Á eftir verður kaffi í safnaðarheimilinu.
Þann 29. september verða liðin 50 ár frá því að fyrsta konan, séra Auður Eir Vilhjálmsdóttir, var vígð til prests árið 1974. Af því tilefni efna Félag prestvígðra kvenna og Kvennakirkjan til málþings og messu í Háteigskirkju frá klukkan 14 til 18.
Yfirskrift málþingsins er: Prestvígðar konur í 50 ár. Reynsla þriggja kynslóða. Séra Auður Eir Vilhjálmsdóttir segir frá baráttunni við að fá prestvígslu og þær séra Guðbjörg Jóhannesdóttir og séra Helga Bragadóttir segja frá reynslu sinna kynslóða af preststarfinu. Séra Ólöf Snorradóttir formaður Félags prestvígðra kvenna leiðir umræður og hvatt er til samræðu og fyrirspurna.
Kaffisamsæti verður frá klukkan 16 til 17.
Að því loknu hefst messa Kvennakirkjunnar undir yfirskriftinni Guð er vinkona mín. Séra Auður Eir Vilhjálmsdóttir prédikar og hina ýmsu messuliði flytja biskuparnir séra Guðrún Karls Helgudóttir og séra Agnes M. Sigurðardóttir, séra Elína Hrund Kristjánsdóttir, séra Arndís Linn, séra Dalla Þórðardóttir, Þjóðhildur Þórðardóttir og Elísabet Þorgeirsdóittir. Aðalheiður Þorsteinsdóttir leikur á píanó, Anna Sigríður Helgadóttir syngur einsöng og Elín Þöll og Yrsa Þórðardætur syngja saman við gítarundirleik.
Kæra vinkonan okkar Guðrún Elíasdóttir er látin. Við þökkum Guði fyrir hana og samveruna við hana. Hún var með í öllu starfinu í Kvennakirkjunni, guðþjónustunum, mánudagssamverunum og ferðalögunum og ráðgjöfinni í hópunum fyrir konur í skilnaði. Við sáum þar og í öllu öðru hvað hún hafði mikla hæfileika til samveru, skilnings og úrræða. Við áttum allar í sameiningu sterka, glaðværa og blíða kristna trú okkar sem gaf okkur upprisuna á hverjum degi og reisir okkur upp þegar við deyjum. Hún verður jarðsungin í Vídalínskirkju föstudaginn 9. ágúst klukkan 13. Það snertir okkur djúpt að hún vildi beina minningargjöfum til Kvennakirkjunnar.
Guðþjónusta verður í Garðakirkju á Álftanesi sunnudaginn 5. maí klukkan 20. Séra Sigríður Munda Jónsdóttir prédikar, Anna Sigríður Helgadóttir syngur einsöng og Aðalheiður Þorsteinsdóttir leikur á píanó undir sálmasöng. Á eftir verður messukaffi í Króki.
Guðþjónusta verður í Grensáskirkju sunnudaginn 14. apríl klukkan 20. Séra Auður Eir Vilhjálmsdóttir prédikar, Anna Sigríður Helgadóttir syngur einsöng og Aðalheiður Þorsteinsdóttir leiðir sálmasönginn og leikur á píanó. Á eftir verður kaffi í safnaðarheimilinu.
Kvennakirkjan heldur guðþjónustu í Neskirkju við Hagatorg sunnudaginn 17. mars kl. 20. Séra Úrsúla Árnadóttir predikar, Aðalheiður Þorsteinsdóttir stjórnar sálmasöng. Anna Sigríður Helgadóttir syngur fyrir okkur. Hlustum, biðjum, syngjum og gleðjumst og drekkum kaffi og tölum saman. Það er með mestu gæðum lífsins að fá að hittast.
Guðþjónusta verður í Seltjarnarneskirkju sunnudaginn 18. febrúar klukkan 20. Séra Auður Eir Vilhjálmsdóttir prédikar, Anna Sigríður Helgadóttir syngur einsöng og Aðalheiður Þorsteinsdóttir leikur á píanó. Messukaffi í safnaðarheimilinu.
Daginn eftir, mánudaginn 19. febrúar, kemur séra Arndís G. Bernhardsdóttir Linn í heimsókn og segir okkur frá því sem hún upplifði í námsleyfi sínu sl. haust þar sem hún var við spennandi nám.
Fyrsta guðþjónusta Kvennakirkjunnar verður í Hallgrímskirkju – Suðursal sunnudaginn 14. janúar kl. 20. Sigríður Hrund Pétursdóttir prédikar. Aðalheiður Þorsteinsdóttir sér um tónlist. Messu kaffi að lokinni messunni.
Jólamessa Kvennakirkjunnar verður í Háteigskirkju 28. desember kl. 20. Sr. Auður Eir predikar. Anna Sigríður Helgadóttir og Elín Þöll Þórðardóttir syngja einsöng og Aðalheiður Þorsteinsdóttir stjórnar tónlist og sálmasöng. Eins og alltaf er kaffi í safnðarheimili kirkjunnar að athöfninni lokinni. Verið öll hjartanlega velkomin!
Sunnudaginn 10. desember klukkan 20 verður aðventustund í stofum Kvennakirkjunnar. Anna Sigríður Helgadóttir flytur hugleiðingu. Aðalheiður Þorsteinsdóttir leiðir sálmasönginn. Við syngjum jólalög, biðjum og lesum úr Orðinu, drekkum súkkulaði og spjöllum í kvöldstemningu Þingholtanna.
