Fyrsta konan vígð til Lúthersku kirkjunnar í Jódaníu

Á sunnudaginn 29. september vígist Dr. Maria Leppäkari framkvæmdastýra Sænsku guðfræðistofnuninnar í Ísrael til prestsembættis hjá Lúthersku kirkjunni í Jórdaníu og landinu helga.   Þetta eru tímamót í sögu kirkjunnar því hún verður fyrst kvenna til að vígast til kirkjunnar.

Þennan sama dag fyrir 45 árum vígðist sr. Auður Eir Vilhjálmsdóttir til Staðarprestakalls í Súgandafirði og verður þess minnst í guðsþjónustu Kvennakirkjunnar sunnudagskvöldið 29. sept. kl.20:00 í Neskirkju.  Sjá kvennakirkjan.is.

Nú hafa 100 konur vígst til prestsembættis í Lúthersku Þjóðkirkjunni á Íslandi.

Tímarnir breytast.  Og eins og Dr. Margot Kässmann, sem fyrst kvenna vígðist til biskups í Lúthersku kirkjunni í Hannover árið 1999, komst að orði um höft sem hún m.a. mætti:  «Þar til árið 1977 misstu vígðar konur í Þýskalandi stöðu sína þegar þær giftust.  Í Zambíu var þessu öfugt farið:  Konur gátu ekki vígst nema þær væru giftar.»

Dr. Maria Leppäkari er okkur íslendingum að góðu kunn í gengum starf hennar hjá Sænsku guðfræðistofnuninni.  Hún hefur tekið á móti hópum frá Íslandi, og eins kom hún til landsins í fyrra og hélt fyrirlestur á afmæli Prestafélags Vestfjarða um sáttargjörð en Maria er doktor í trúarlífsfélagsfræði með áherslu á trú, átök og ofbeldi.

Vígslubiskupinn sr. Kristján Björnsson og sr. Hildur Inga Rúnarsdóttir munu fara út til Jerúsalem og taka þátt í athöfninni.  Við óskum söfnuðinum til hamingju með þennan áfanga og biðjum Mariu velfarnaðar í starfi.

By |28 september 2019 19:05|Fréttir|

Hátíðarhöld vegna 45 ára afmælis – Guðþjónusta í Neskirkju

Fyrsta guðþjónusta Kvennakirkjunnar verður í Neskirkju sunnudaginn 29. september kl. 20:00. Þar verða hátíðarhöld vegna 45 ára afmælis prestvígslu sér Auðar Eir.

Séra Auður Eir Vilhjálmsdóttir predikar og séra Arndís G. Bernhardsdóttir Linn talar
Aðalheiður Þorsteinsdóttir stjórnar sálmum og Anna Sigríður Helgadóttir syngur

Kvennakirkjan býður veitingar svo nú þurfum við ekki að koma með annað en okkur sjálfar. VErum allar hjartanlega velkomnar.

By |26 september 2019 13:28|Fréttir|

Námskeið til jóla

Við ætlum að tala um kvennaguðfræði.
Við förum yfir kvennaguðfræðina sem við þekkjum og fáum gesti til að spjalla við okkur um þeirra sýn
Eins og alltaf drögum við fleira inn í námskeiðið. Í fyrsta tímanum, mánudaginn 30. september
kemur séra Guðbjörg Jóhannesdóttir í Langholtskirkju. Seinna koma séra Guðrún Karlsdóttir í Grafarvogi og séra Dalla Þórðardóttir í Skagafirði og það koma fleiri.

Námskeiðin eru á mánudöugm frá klukkan hálf fimm til sex í Þingholtsstræti 17.
KOMUM ALLAR SEM GETUM

By |24 september 2019 19:57|Fréttir|

Fyrirhuguð messa í Öskjuhlíð fellur niður

Í ljósi viðvarana frá veðurfræðingum sem spá gulri viðvörun, grenjandi rigningu og roki  á sunnudag verður fyrirhuguð messa í Öskjuhlíð felld niður.

By |23 ágúst 2019 20:56|Fréttir|

Fyrsta messa Kvennakirkjunnar

Sunnudaginn 25. ágúst klukkan fimm, klukkan 17 höfum við fyrstu messuna okkar í byrjun haustsins.  Við hittumst fyrir framan Perluna og fáum okkur gönguferð um Öskjuhlíðina og stoppum við og við til að syngja og biðja og lesa saman úr Biblíunni og höfum  ofurlitla hugleiðingu einhvers staðar.  Svo förum við í kaffi í Perluna og tölum saman.  Verum allar innilega velkomnar.

By |22 ágúst 2019 20:41|Fréttir|

Messa Kvennakirkjunnar á Kvennadaginn 19. júní

Þann 19. júní verðu messa Kvennakirkjunnar við Kjarvalsstaði klukkan 20. Það verður Söngmessa með Aðalheiði Þorsteinsdóttur og Önnu Sigríði Helgadóttur og prédikun séra Auðar Eir Vilhjálmsdóttur. Verið öll hjartanlega velkomin!

By |11 júní 2019 22:22|Fréttir|

Guðþjónusta Kvennakirkjunnar 28. apríl kl. 20

Guðþjónusta Kvennakirkjunnar verður að þessu sinni í stofum okkar í Þingholtsstræti 17, 28. apríl kl. 20.  Séra Auður Eir Vilhjálmsdóttir predikar. Aðalheiður Þorsteinsdóttir stjórnar söng okkar
og við höldum messuna allar saman.
Þær sem sjá sér fært að færa kaffibrauð fá alúðarþakkir

By |20 apríl 2019 12:08|Fréttir|

Námskeið um Kvíðann

Á mánudaginn kemur, 25. mars byrjum við námskeið um kvíðann, þessa yfirþyrmandi ógn aldarinnar.  Við mætum henni núna með samtali um fyrirgefninguna.  Við lesum fyrst bók prestanna í Suður Afríku Mpho og Desmond Tutu en hann var biskup þar.  Svo bröllum við fleira.

Námskeiðið er í stofum okkar á jarðhæð í Þingholtsstræti 17 og hefst klukkan hálf fimm og stendur til sex.  Það verður yndislegt og ókeypis og með kaffi.   Komdu endilega ef þig langar og kemst.

By |24 mars 2019 3:01|Fréttir|

Guðþjónusta í Grensáskirkju

Guðþjónusta Kvennakirkjunnar í mars mánuði verður sunnudagskvöldið 17. mars kl. 20 í Grensáskirkju. Séra Hulda Hrönn M. Helgadóttir predikar. Aðalheiður Þorsteinsdóttir stjórnar söng okkar. Við komum saman, drekkum saman kaffi og gleðjumst og fögnum.
Þær sem sjá sér fært að færa góðgerðir fá alúðar þakkir

By |12 mars 2019 19:38|Fréttir|

Kvennakirkjan á afmæli! Messa í Neskirkju

Afmælisveisla Kvennakirkjunnar verður í Neskirkju sunnudagskvöldið 17. febrúar kl. 20.
Séra Auður Eir Vilhjálmsdóttir predikar
Anna Sigríður Helgadóttir syngur sálma
Aðalheiður Þorsteinsdóttir lætur okkur allar syngja

Kaffi á eftir – Þær sem sjá sér fært að færa góðgerðir fá alúðarþakkir

By |15 febrúar 2019 18:45|Fréttir|