Persónuverndarfulltrúi Biskupsstofu kemur í heimsókn í Kvennakirkjuna.

Næstkomandi mánudaginn, 28. janúar  kemur Brynja Dögg Guðmundsdóttir Briem lögfræðingur og persónuvendarfulltrúi Biskupsstofu í heimsókn til okkar í Kvennakirkjuna og fjallar um nýju persónuverndarlögin.  Námskeiðið verður í Þingholtsstrætinu og hefst kl.16:30. Allir sem áhuga hafa eru velkomnir.

By |26 janúar 2019 21:13|Fréttir|

Guðþjónusta í Hallgrímskirkju sunnudaginn 13. janúar kl.20

Fyrsta guðþjónusta Kvennakirkjunnar þetta árið verður í Hallgrímskirkju, sunnudaginn 13. janúar kl. 20. Séra Yrsa Þórðardóttir predikar og hún og Elín Þöll Þórðardóttir syngja sálma
Aðalheiður Þorsteinsdóttir leikur undir sálmasöng okkar allra
Drekkum kaffi og spjöllum saman. Þær sem sjá sér fært að færa kaffibrauð fá alúðarþakkir

By |8 janúar 2019 19:40|Fréttir|

Jólaguðþjónusta í Háteigskirkju

Jólaguðþjónusta Kvennakirkjunnar verðu að venju í Háteigskirkju fimmtudaginn 27. desember klukkan 20.
Séra Arndís  G. Bernhardsdóttir Linn predikar
Anna Sigríður Helgadóttir syngur
Aðalheiður Þorsteinsdóttir stjórnar sálmasöng í ljósadýrð
Jólakaffi

By |23 desember 2018 22:33|Fréttir|

Uppáhalds jólasálmurinn?

 

Jólasálmarnir eru okkur kærir.  Þeir auðga líf okkar:  Opna okkur fyrir nálægð Guðs og fylla okkur kærleika og von.     Við spurðum nokkrar konur í Kvennakirkjunni um hver væri þeirra uppáhalds jólasálmur?  (Hægt er að smella á nöfn sálmanna til að sjá texta þeirra.)

      Aðalheiður Þorsteinsdóttir organisti hvað hann vera sálminn nr. 94 í Sálmabókinni:  Jesús þú ert vort jólaljós

      Frú Agnes M. Sigurðardóttir Biskup Íslands og Sigríður Magnúsdóttir sálmaskáld voru á sama máli um að uppáhalds jólasálmurinn þeirra væri sálmur nr.78 í Sálmabókinni:  Í dag er glatt í döprum hjörtum   Jafnframt sagði Sigríður að á seinni árum hefði hún fengið mikið dálæti á undurfallegum texta sr. Hjálmars Jónnssonar:  Á dimmri nóttu bárust boð sem er númer 564

     Anna Sigríður Helgadóttir söngkona  segir að Hátíð fer að höndum ein sé í miklu uppáhaldi hjá henni en hann er númer 722 í Sálmabókinni.

     Sr. Arndís G. Bernhardsdóttir Linn hvað uppáhalds jólasálmurinn sinn vera aðventusálmurinn:  Kom þú , kom vor Immanúel sem er nr.70 í Sálmabókinni   og fast á hæla honum komi sálmurinn nr.81:  Guðs kristni í heimi.

     Sr. Auður Eir Vilhjálmsdóttir og Kristín Ragnarsdóttir gjaldkeri Kvennakirkjunnar voru á sama máli um að uppáhalds jólasálmurinn þeirra væri sálmur númer 82 í sálmabókinni:  Heims um ból

     Elísabet Þorgeirsdóttir stjórnarkona í Kvennakirkjunni heldur mikið upp á sálm Stefáns frá Hvítadal nr. 74 í Sálmabókinni:  Gleð þig særða sál.  Lagið er eftir Sigvalda Kaldalóns .  Þessi sálmur er einnig í miklu uppáhaldi hjá Kristínu.

     Sr. Hulda Hrönn M. Helgadóttir metur mest sálminn nr.75:  Ó Jesúbarn, þú kemur nú í nótt  .  Næstur í röðinni er Himnarnir opnast.  Textinn er eftir Björgu Þórhallsdóttur og Karl Bendsen við erlent lag.  Hann er ekki í sálmabókinni en hægt að sjá […]

By |22 desember 2018 0:22|Fréttir|

Guðþjónusta Kvennakirkjunnar í stofum okkar í Þingholtsstræti

Guðþjónusta Kvennakirkunnar verður sunnudaginn 2. desember kl. 20 í stofum okkar í Þingholtsstræti 17. Séra Auður Eir Vilhjálmsdóttir predikar og Aðalheiður Þorsteinsdóttir stjórnar sálmasöng

Anna Guðmundsdóttir er kaffimóðir. Bökum vöfflur og hitum súkkulaði og njótum þess að vera saman.

By |27 nóvember 2018 20:04|Fréttir|

Kvennakirkjan í Breiðholtskirkju í nóvember

Guðþjónusta Kvennakirkjunnar verður í Breiðholtskirkju sunnudaginn 18. nóvember kl. 20. Séra Hulda Hrönn M. Helgadóttir predikar, Aðalheiður Þorsteinsdóttir stjórnar sálmum og Anna Guðmundsdóttir er kaffimóðir

Þær sem sjá sér fært að færa kaffibrauð fá alúðarþakkir

KOMUM OG GLEÐJUM HVER AÐRA Í GLEÐI GUÐS

By |14 nóvember 2018 9:58|Fréttir|

Einelti og kúgun stúlkna og kvenna á öðrum stúlkum og konum

Í dag 8. nóvember er árlegur dagur gegn einelti og kynferðislegri áreitni.  Þessi dagur er tileinkaður baráttunni gegn ofbeldi í samfélaginu og aðgerðum gegn einelti.

Gott er að skoða þessi málefni frá ólíkum hliðum.  Ég vil hér gera að umræðu einelti stúlkna gegn öðrum stúlkum og einelti kvenna gegn öðrum konum.  Þetta málefni hefur legið í þagnargildi í stað þess að vera opnað og það skoðað hvernig þessi framkoma hefur áhrif á líf okkar kvenna, hegðun og viðbrögð.

Árið 2002 kom út bók sem heitir Odd Girls Out, the hidden culture of aggression in girls eftir Rachel Simmons.  Þetta var fyrsta bókin sem var tileinkuð stelpum og ólíkamlegum átökum.  Hún segir sögu gerenda og þolenda um kúgun stúlkna á öðrum stúlkun og áhrifum hennar á fullorðinsár kvenna.  Þessi bók stendur enn fyrir sínu og er besta bókin um efnið.

Rachel Simmons lenti sjálf í einelti og kúgun af hendi annarrar stúlku sem heitir Abby þegar hún var 8 ára (1984).  Hún gleymdi þessari reynslu ekki sem hafði truflandi áhrif á líf hennar.  Hún þarfnaðist þess að fylla í eyðurnar og ákvað því 16 árum síðar (1990) að leita upplýsinga um málefnið.  Á einni kvöldstund með sex vinkonum komst hún að því að þær hefðu einnig lent í einelti og kúgun af hendi Abbyar en þær hefðu alltaf haldið að þær væru þær einu sem í því lentu.

Það kom á daginn að lítið var að finna á bókasafninu um þetta efni en því meira um yfirgang drengja.  Í þessu fátæklega efni var ekkert sem fjallaði um samskipti lík því sem hún hafði átt við Abby.  Hún fór því að rannsaka málið upp á eigin spýtur, annars vegar með því að spyrja konur og hins vegar með því að fara […]

By |8 nóvember 2018 7:45|Fréttir|

Kynning á bókinni Odd girls out á námskeiði Kvennakirkjunnar

Mánudaginn 22. október verður námskeið í Kvennakikjunni í Þingholtsstrætinu og eins og síðastliðna mánudaga er það haldið á þriðju hæð hjá Elísabetur. Efni þessa námskeiðs er tengd Kvennafrídeginum. Linett Vassel sem hefur barist fyrir rétti kvenna síðan 1970 sagði nýlega í viðtali við Alkirkjuráðið að konur þyrftu að rannsaka valdið mun dýpra sem konur. Og það er það sem ætlunin er að gera á námskeiðinu. Hulda Hrönn M. Helgdóttir einn af prestum Kvennakirkjunnar kynnir bókina Odd girls out eftir Rachel Simmons. Rætt verður um samskipti kvenna, hina földu menningu árásahneigðar stúlkan við aðrar stúlkur. Leitað verður svara við því hvers vegna árásarhneigð og kúgun kvenna á öðrum konum er svona vel falin og um birtingarform hennar. Verið öll hjartanlega velkomin !

By |21 október 2018 22:38|Fréttir|

Guðþjónusta í Seltjarnarneskirkju

Guðþjónusta verður í Seltjarnarneskirkju sunnudaginn 21. október kl. 20. Séra Auður Eir Vilhjálmsdóttir prédikar og Aðalheiður Þorsteinsdóttir stjórnar sálmasöng. Við syngjum, biðjum og tölum við Guð og hver við aðra og drekkum kaffi áður en við skiljumst.

 

By |16 október 2018 8:42|Fréttir|

Námskeið Kvennakirkjunnar eru að hefjast !

Námskeiðin byrja mánudaginn 24.september.  Þau verða í Þinholgtssrtræti 17 frá klukkan hálf fimm til sex,  ekki í stofum okkar heldur uppi á lofti. Gengið upp tröppurnar.    Yfirskrift fyrstu fjögurra mánudaga verður Litirnir í lífinu.  Við höldum námskeiðið allar í sameiningu og borgum hver annarri þúsund krónur fyrir hvert kvöld.  Ekkert verð fyrir svo áhrifaríkt námskeið því við verðum miklu litríkari á eftir.  Komdu og vertu velkomin.

By |19 september 2018 21:19|Fréttir|