Blog

Í tilefni af kvennadeginum, miðvikudaginn 19. júní verður haldið seminar kl. 10-12 um kvenréttindakonur og leiðtogafræði í húsnæði Kvennakirkjunnar, Þingholtsstræti 17.

Seminarið leiðir dr. Carolyn Crippen, sem hefur sérhæft sig í sögu vestur-íslenskra kvenna og leiðtogafræðum, sér í lagi þjónandi forystu. Hún mun tala um hvort tveggja, en einnig hefur hún stundað rannsóknir á sviði menntamála.

Eftir seminarið er á döfinni að sameinast í hádegisverði á Hannesarholti.

Næsta guðsþjónusta Kvennakirkjunnar verður í Garðakirkju á Álftanesi. Sr. Elína Hrund Kristjánsdóttir prédikar og kór Kvennakirkjunnar leiðir söng undir stjórn Aðalheiðar Þorsteinsdóttur. Boðið verður til kaffisamsætis á eftir.

Á mánudagskvöld næstu þrjú mánudagskvöld, 22. og 29 apríl og 5. maí verða Biblíulestrar á mánudagskvöldum í húsakynnum Kvennakirkjunnar Þingholtsstræti 17.  Umræðan verður um djúpa guðfræði krossins og upprisunnar sem er undirstaða daglegrar gleði okkar.

Kvennakirkjan heldur guðsþjónustu í Friðrikskapellu sunnudaginn 14. apríl kl. 20:00. Yfirskrift messunnar er Páskagleði á hverjum degi og Sveinbjörg Pálsdóttir guðfræðingur prédikar. Gengið verður til altaris og Kór Kvennakirkjunnar syngur undir stjórn Aðalheiðar Þorsteinsdóttur. Kaffi er á eftir messuna og þær sem sjá sér fært að koma með meðlæti fá alúðarþakkir.

Mánudagskvöldið 8. apríl kemur sr. Guðlaug Helga Ásgeirsdóttir sjúkrahúsprestur og verður gestur Kvennakirkjunnar. Efnið kallar Guðlaug Helga, Að fara að fara – Dauðinn – Í návígi.  Námskeiðið byrjar kl.20:00 og er í húsakynnum Kvennakirkjunnar, Þingholtsstræti 17. Allir velkomnir.

Kvennakirkjan uppfærir heimasíðuna sína og í kjölfarið streyma inn fréttir af öllu mögulegu.