NÁMSKEIÐ HAUSTSINS

GERUM GOTT LÍF BETRA

Uppskrift að góðum vetri.  Vefum saman félagsráðgjöf og kvennaguðfræði sem er guðfræði hversdagsins. Leitum nýrra leiða til að takast á við lífið og verkefni daganna. Sérstaklega verður horft til mikilvægi félagsauðsins í samfélagi okkar og gildi trúarauðsins í samfélaginu við Guð, hina einu sönnu vinkonu.  Leiðbeinendur verða Ella Kristín Karlsdóttir og Elísabet Þorgeirsdóttir félagsráðgjafar, Sveinbjörg Pálsdóttir guðfræðingur og stjórnsýsluráðgjafi og séra Auður Eir Vilhjálmsdóttir.

Námskeið frá 13. september til 4. október.

ÞÍN SAGA, MÍN SAGA

Rifjum upp biblíusögurnar og skoðum þær upp á nýtt.  Lærum að segja þær,  sjálfum okkur, börnum og öllum sem vilja heyra. Biblían er grundvöllur gleðinnar og alls lífsins og þar með lífs okkar sjálfra.   

Eldum saman biblíumat síðasta kvöldið.

Námskeið frá 11. október til 1. nóvember.

KVENNAGUÐFRÆÐI  ÞAR OG HÉR

Fjallað um kvennaguðfræði heima og erlendis, upphafið og stöðu hennar núna og neistann

sem hún kveikti og logar enn og breytir heiminum.

Námskeið frá 15. nóvember til 6. desember